அஞ்சறைப் பெட்டி மூலம் சில பெரிய பிணிகளுக்கு கூட தீர்வு.
தலைச் சுற்றல் (BP)
பித்தம் அதிகரித்தால் இரத்தத்தின் நீர்மைத் தன்மை அதிகமாவதால் இதயத் துடிப்பு அதிகரிக்கும், பித்தம் தலைக்கு ஏறுவதால் மயக்கம், கிறுகிறுப்பு உண்டாகும்.
ஒன்று அல்லது இரண்டு அங்குல இஞ்சியை (Ginger) எடுத்து அதன் மேல்தோலை சீவிக் கழித்து, அரைத்து, அந்த விழுதை ஒரு டம்ளர் தண்ணீரில் கலக்கி, சிறிது நேரம் அசையாமல் வைத்திருக்க வேண்டும். சற்றொப்ப அரை மணி நேரம் கழிந்தபின் அதன் தெளிவை மட்டும் இறுத்து, அதனுடன் ஒரு தேக்கரண்டி திறமான தேன் (Honey) சேர்த்து கலக்கி குடித்து வரவும். ஒரு மண்டலம் அளவு கொள்ள பித்த வீறு தணியும்.தலைச்சுற்றல் , கிறுகிறுப்பு நீங்கும்.
மூலம்/Piles.
மூலச் சூட்டின் காரணமாக, எருவாயில் முளைகள் ( உள்மூலம், வெளி மூலம்) உண்டாகி வலியுடன், இரத்தமும் போகும், அதற்கு மருந்தாவது...
சுக்குத் தூள் - 35 கிராம்
(Dried Ginger Powder)
கடுக்காய்ப் பிஞ்சு தூள்- 17¹½ கிராம்
(Terminalia chebula, commonly known as black- or chebulic myrobalan)
எருமைத் தயிர் - தேவையான அளவு
நெய் - தேவையான அளவு.
(The word curd is used in Indian English to refer to homemade yogurt)
தேவையான சுக்கு எடுத்து ( வாய்ப்பிருந்தால் அதற்கு சுண்ணாம்பு குழைத்து பூசி அடுப்பில் வாட்டி பின் சுக்கின் மேல்தோலை சுண்ணாம்போடு சீவிக் கழிக்கவும்) பொடித்து துணியிலோ, வடிகட்டி மூலமாகவோ வடிகட்ட வேண்டும், சுக்கின் நார்களை தவிர்க்க வேண்டும்.
பிஞ்சுக் கடுக்காய் கிடைக்காவிட்டால், கடுக்காயை உடைத்து தோலை மட்டும் எடுத்துக் கொண்டு (விதையை கண்டிப்பாக நீக்கவும்) அதைப் பொடித்து வடிகட்டவும்.
சுக்கு மற்றும் கடுக்காய்ப் பிஞ்சு தூள்களை அளவுப்படி தயிரில் ( வாய்ப்பு இருந்தால் எருமைத் தயிர்) மூன்று மணி நேரம் ஊற வைத்து, அதை வெண்ணை போல மைய அறைத்துக் கொள்ளவும் . ஒரு பாத்திரத்தில் கொஞ்சமாக பசுவின் நெய்விட்டு அரைத்த விழுதை இட்டு இள வறுப்பாக வறுத்து ஆறவிட்டு , பின்பு முன்பு போல் வேறு தயிர் விட்டு வறுத்த மருந்தை மூன்று மணி நேரம் ஊற விட்டு மறுபடி பசுவின் நெய்விட்டு இளவறுப்பாக வறுத்து, மூன்றாவது முறையாகவும் தயிரில் மூன்று மணி நேரம் ஊற வைத்து பசுவின் நெய்யினால் பொன் வண்ணமாக வறுத்து ஆறவிட்டு வெண்ணை போல் அரைத்து சுண்டைக்காய் அளவுள்ள உருண்டைகளாக செய்து கண்ணாடி, பீங்கான் கலனில் பத்திரப்படுத்தவும்.
ஒரு உருண்டையை எடுத்து அதற்குத்தக்க தேன் அல்லது நெய் சேர்த்து கலக்கி உண்டு வர மூலம் என்னும் எருவாய்முளை நோய் மற்றும் சீதபேதி நீங்கும்.
வயிற்று கோளாறுகள்
வயிற்றின் பிரச்சனைகளில் குறிப்பிடத்தக்கது செரிமானம் ஆகாமை, பசி இல்லாது இருத்தல் . மேலும் வாயு அதிகரித்ததால் உடல் முழுதும் ஏற்படும் வலி ஆகியவை தீரும்.
1. சுக்கு -35 கிராம்
Dried Ginger
2. திப்பிலி - 35 கிராம்
Long pepper
3. மிளகு - 35 கிராம்
Pepper
4. சீரகம் -35 கிராம்
Cummin.
5. கருஞ்சீரகம் - 35 கிராம்
Black cummin/ kala jeera
6. இந்துப்பு -35 கிராம்
Himalayan salt
7. ஓமம் -35 கிராம்
Trachyspermum ammi
8. பெருங்காயம் -8.75 கிராம்
asafoetida
செய்முறை
1 முதல் 8 வரை உள்ள சரக்குகளை ( வாய்ப்பிருந்தால் சுத்தி என்னும் தலைப்பிட்ட போஸ்டில் சொல்லி உள்ளபடி, சரக்குகளைச் சுத்தி செய்து மருந்து செய்ய 100% பலன் குடுக்கும்) தனித்தனியே வறுத்துப் பொடித்து தூள் செய்து, வடிகட்டி, அளவுப்படி நிறுத்து கலந்து எடுத்துக் கொள்ளவும்.
ஒன்று அல்லது ஒன்னரை டீஸ்பூன் அளவு எடுத்து சாப்பாடு சாப்பிடும் முன் ஒரு கவள சாப்பாட்டில் இந்த மருந்தை போட்டு சிறிது நெய்விட்டு பிசைந்து சாப்பிட்டு பின்னர் சாப்பாடு சாப்பிட வயிற்றில் குடலில் எந்த கோளாரும் வராது.
ஆஸ்த்மா வியாதி உடையவர்கள் வயிற்றில் உப்புசம் கண்டபோது இம்மருந்தை சுடு தண்ணீர் அல்லது தேனில் சாப்பிட நல்ல பலனைத் தரும்.
ஒரு முறை மருந்து செய்தால், மூன்று மாதங்கள் வரை இது கெடாது. வெயிலில் வைத்து வரவும்.
அனைத்து சரக்குகளும் Amazonல் கிடைக்கிறது.
திப்பிலி
கருஞ்சீரகம்
கடுக்காய்ப் பிஞ்சு
ஓமம்
இந்துப்பு
சுக்கு இளகம்/ சுக்கு லேகியம்
தேவையானவை
சுக்கு (தோல் நீக்கியது)- 3500 கிராம்
Dried Ginger
2. ஓமத் தூள் -700 கிராம்
Trachyspermum ammi
3. கருவேப்பிலைத் தூள் - 700 கிராம்
Currey leaves.
4. சர்க்கரை - 700 கிராம்
Sugar
5. நெய் - 350 கிராம்
Ghee
மேல்த்தோல் நீக்கிய சுக்கை இடித்துப் பொடித்து ஒரு மண்பாண்டத்தில் போட்டு பதினாறு படி தண்ணீர்விட்டு அடுப்பேற்றி இரண்டு படியாக சுண்ட வற்ற வைத்து, இறக்கி ஆறவிட்டு, இளஞ் சூட்டில் அதைப் பிசைந்து வடிகட்டித் திப்பி நீக்கிய கியாழத்தை எடுத்து வைத்துக் கொள்க.
அந்த கியாழத்தில் மேற்சொன்ன சர்க்கரையைக் கரைத்து அடுப்பேற்றி பாகுசெய்து, பாகுபதத்தில் ஓமத்தூள் மற்றும் கருவேப்பிலைத் தூள்களை சிறுக சிறுக போட்டுக் கிண்டி, அனைத்து தூள்களையும் போட்ட பின் நெய்யையும் விட்டு நன்றாகக் கிண்டி ஆறின பின் கண்ணாடி அல்லது பீங்கான் கலன்களில் பத்திரப் படுத்தவும்.
மருந்தளவு
அரு நெல்லிக்காய் அளவு முதல் பெருநெல்லி அளவு வரை எடுத்துக் கொள்ளலாம்.
தீரும் பிணிகள்
- நீடித்த மூலம் (piles)
- வாயு தொடர்பான பிணிகள்
(stomach gas problems)
- அனைத்து பேதிகள் ( Diarrhea)
- கைகால் முடக்கு வாதம் ( Stroke)
- பசியின்மை (Anorexia)
- இரைப்பை (stomach)தொடர்பான பிணிகள் அனைத்தும் நீங்கும்.
மூச்சுக் குழாய் அழற்சி/ அதிகாலை இருமல்
அதிகாலை நேரமாகிய 4 மணிக்கு ஆரம்பித்து தொடர்ந்து, இரண்டு மூன்று மணிநேரம் இருமல் வந்து தொல்லை குடுக்கும், மருந்துக்கும் கட்டுப்படாது. இதை bronchitis என்பர்
மருந்து
கடுகை (Mustard) பட்டுப் போல் அரைத்து ஒரு சிட்டிகை (pinch) எடுத்து தேன் கலந்து சாப்பிட இரண்டு வேளைகளிலேயே குணமாகும்.
கல்லீரலில் கொழுப்பு சேராதிருக்க...
1. சுத்தி செய்த சுக்குதூள் - 10 கிராம்
2. கறிவேப்பிலை - 50 கிராம்
3.துவரம் பருப்பு - 200 கிராம்
4. உப்பு -வேண்டிய அளவு
கறிவேப்பிலையை நெய்யில் வறுத்து சித்தப்படுத்திக் கொள்ளவும்.
சுக்கு, கறிவேப்பிலை, து. பருப்பு, உப்பு அனைத்தையும் தனித்தனியே பொடித்து வடிகட்டி ஒன்றாய்க் கலந்து வைத்துக் கொண்டு , சாப்பாடு உண்ணும் போது முதல் சில கவளங்கள் இந்தப் பொடி போட்டு நெய்விட்டுப் பிசைந்து சாப்பிட ருசியாகவும் இருக்கும், பசியைத் தூண்டும், கல்லீரலில் கொழுப்பு சேர விடாது.
( சுத்தி முறைகளை முறையாகச் செய்ய, சுத்திகள் என்னும் போஸ்ட் பாருங்கள், blogஐ follow செய்யுங்கள்)
